زمان وانا صغيرة كان فيه سلمي

نفسي افتكرك ياسلمي.
اصل صعب قوي
أصل دول 13 سنة
يياااااااااااااااااااااااااااااه
بقيت بعرف اتكلم بالسنين
حاجة غريبة شويا
مش فاكرة منها حتي ملامحها
ولو تشاش حتي........
كل اللي فاكراه..
اسمها سلمي..
الضفيرة الطويلة
وأغنيتها المفضلة
وأخر يوم كانت هتمشي فيه لما اديتني كارت عليه وردة
مكتوب فيه كلام مش فاكرة منه حاجة
وسعتها انا فاكرة اني عيط وكانت اكتر مرة سعتها احس بمعني كلمت فراق حد..
وكان نفسي اديها حاجة ,اي حاجة ااذكري
فاترجتها ماتمشيش وتستنا شوية لحد ماأجي تاني
ونزلت الشارع مش عارفة اديها ايه او اروح فين لوحدي
فمشيت في الشارع لوحدي ,

خايفة اتوه

او اتخطف

لحد ماوسلت للبحر
فوطيت ومسكت شوية قواقع من علي الشط ورجعت بسرعة كنت خايفة جدا لتكون مشيت
بس لقيتها مستنية
فتحت اديها واديتها القواقع وقلتلها هتيجي تاني
ابتسمت
قلتلها سلاااااام......
وركبت العربية ومشيت...........
بس ياسلمي....
بعد 13سنة كمان
ياتري
هكون نسيت اسمك والدفيرة والاغنية والكرت والوردة والبحر والقواقع.............